وبطل تقول...يابن الاصول

ألكاتب هو ألدكتور / مكى يوسف مكى
من أبناء ألصعيد ألذين يتصفون بألكرم
وألشجاعة وألشهامة وألإخلاص
وهو من عشاق مصر ، مثله كمثل
ألكاتب وألشاعر / حسن عمـران
وهذه كلمات د./ مكى يوسف مكى

وبطل تقول...يابن الاصول

وبطل تقول

يابن الاصول

واسكت واصبر

وبكره تنول

وايه يعنى لما التلاته بقول

وطعميه فول

بلوظه وبوظه

وعبى ف سطول

سامحيلك تبول

وتخرى وجنبك بهايم عجول

فصهين!!!

والاحالفك فى روول

تبلضم

تكلضم

حاشلضم

فى عرضك ايديا تطول

تفكر تأجر

حاقولك يافاجر

مكانتى دى عاليه

وواصله لايطاليا

حتعمللى جاليه

حاجيبك حاجيبك

لو انتا فى سوول

واطلع فىدينك

بجيمك وسينك

واجيب مين يدينك

ويعميللى عينك

واسلط لغول

بكل الشراسه

معانا الحراسه

ولينا الوراثه

ياكلك فضول

ماتتعبش نفسك

ختمنا الفصول

******

بحبك يا بلدى مهما عملوا ـ كتابات / حسن عمران

بحبك يا بلدى مهما عملوا
قصيدة لأحد كتاب وشعراء مندرة
الحركة المصرية للتغيير ـ كفاية
ألكاتب وألشاعر ألمتميـز / حسن عمران

********

بحبك يا بلدى
بحبك يا أنتى
بحب مدينتى
بحبك وشايفك
شمسى وقمرى
بحبك وأنتى
نورى وسجنى
بحبك و مهما
تتغير ملامحى
وييجى اللى ظلمك
ويهدم مدينتى
برده بحبك
هو مين اللى يقدر
يغير ابتسامتك
أو ينزل من عنيكى
دموع على خدك
مهما يكون
قصير أو طويل
لا بسلى بدله ولا جزمه
أو حتى كان أبن مين
مستحيل
عمره ما يقدر
يخلى شمسك
تتطلع يمين
ولا حتى
يخلى قمرك
يبات حزين
ولا نيلك
يجيى يوم متعكر بطين
هو مين وأنتى مين
هو ماشى ع الشمال
وأنتى ماشية ع اليمين
هو رايح مفيش محال
وانتى جايه
كام عروسه متزوئين
هو زايل
هو فرع أهله مايل
أما أنتى
حا تفضلى
فى نفس المكان
تيجى شمسك
ويجى قمرك
ويجرى نيلك
م الشمال لليمين
وكل يوم راح اقولك
انى بحبك
مهما عملوا
طول ما فيكى خالتى صابحه
وخالتى رابحه
أوعدك وبكره جاى
من بعيد
حا تشفيهم
متسلسليين بالحديد
جوه سجنك
والمنصه فى المحاكم
حا يكون قضاها
المظلوميين
يومها يصدر حكم عدل
فى كل ظالم
كان بيحكم بالمظالم
يبقى يوم
هو نصر المظلوميين
يومها أرجع تانى أقولك
بحبك يا بلدى
مهما عملوا
الكدابيين
___________
كتابات / حسن عمران

لقد وهبنى الله القلم وأنا وهبته لنصرة المظلوم لوجه الله
لآسكات الظالم وأظهارالحق وضحرالباطل

إبريل صدق...! كلمات ألشاعر مصطفى إبراهيم ـ ألتـتـش

يدين شهر إبريل بتبرئته من ألكذب
للمصريين ألشرفاء ألذين
تواعدوا فى 6 إبريل للوقوف أمام ألفساد
وقد تأثر ألشاعر ألموهوب ، ألأستاذ
مصطفى إبراهيم ـ ألتتش وكتب عن ألحدث :

إبريل صدق...!

صدق إبريل وكان كداب
صدق إبريل بعزم الشباب
وإتجمعوا الأحباب
من ورا كل باب متوارب
هيطلع محارب
من ورا كل باب مقفول
طالع صوت الحقيقة يقول
مصر عالسكة اللى جاية
6 إبريل البداية
مصر مش لابسة الملس
مصر مش لابسة الملاية
مش حاطةعلى راسها الحواية
مصر بتتولد..
من قلب الغواية
مصر راجعة ..
من قلب الحكاية
هتدور من تانى الرحاية
إبريل صدق..!!
بيعلن النبأ.. للجميع
" مصر حامل فى الربيع"
شايف بعينى البنات
واقفة بعزم وثبات
حالفة لتحيى الموات
تدور عقارب الساعات
سكر يا سكر نبات
صوتكم يهز السكات
يكسر تابوت الموات
إبريل : يا ست البنات
ضمى الجراح والرفات
هزى الهلال فى الميعاد
صحى الولاد والبلاد
إنده يا صوت العناد
تعود العيدان للغيطان
يعود الولاد للميدان
فتح يا زهر فى نيسان
عطرك يفوح فى المكان
هلت روايح زمان
يا أجمل ورود البلاد
يا اصدق وعود بالميلاد
قيدوا الشموع فى السبوع
غنوا نشيد الرجوع
إهدر يا صوت الجموع
تحت العلم مرفوع
غنوا بصوت مسموع
مصر بعزيمة شبابها
رجعت فى أجمل ثيابها
عروسة هتركب حصانها
قّرّب خلاص البعيد
كسّر قيود الحديد
راح الزمان البليد
جاي الزمان الوليد
جاي الزمان الوليد!!
......

ورشة عمل ألمندرة ـ مداخلة للجبرتى

أثبتت المندرة بورشة عملها أمس و التي شارك فيها أكثر من20 عضو و عضوة أنها
خلية ثورية أصيلة من فصائل التغيير-- ربما كان المشاركين كل منهم يحمل فكره السياسي
المناقض للأخر و لكن فوجئنا أننا نتحد علي هدف واحد و أننا بقلب واحد دار الحوار حول
أنشطة الحركة و سيصدر بيان من المشرفين حول أجتماع المندرة أمس و الذي تبنت فيه
المندرة عدة قرارات هامة ---------- اللافت في الأجتماع حضور اللواء سامي حبيب
وهومن أقدم أعضاء كفاية و من مؤسسي المندرة و كان بكل محبة و ديمقراطية متحمسا
لأفكار الشباب --- تحية لكل من شارك و ندعو الجميع لحضور ورشة العمل الدورية

مسرحية سوبر خفيف ـ للأستاذ محمد رخــا

مسرح سوبر خفيف

اوراق من الماضى


هو : محدثا نفسه معقوله هى اللى جايه من بعيد بعد السنين دى اشوفها تانى
كانت اجمل حلم اتحطم من ضمن احلام كتير اتحطمت انا حقايس واكلمها
انا دلوقت 63 سنه يعنى مش ممكن تكسفنى حستجمع شجاعتى واقرب منها
ياه دى ما اتغيرتش اشارب بس ذاد على راسها
وشوية نضارة اختفت بصراحه اتغيرت كتير بس انا مش شايف اى تغيير

هو : ازيك فاكرانى
هى : لا والله حضرتك مين
هو : انا زميل الجامعه اللى الوالد......
هى : ايوه ايوه ازيك انت لسه فاكرنى
هو : حد ينسى نفسه دانت كنت نفسى
هى : بننسى نفسنا لما ييجوا اللى اعز من نفسنا
هو : مش فاهم
هى : ضاحكه افهمك الدنيا فى رايي مراحل نعيشها علشان نفسنا وبعدين مع نفسنا
وبعدين مع اللى اغلى من نفسنا وفى الاخر علشان نتحسر على نفسنا يمكن يكون
فى مرحله كمان بس انا ما وصلتلهاش وما اعرفش ان كان العمرحيوصلنى ليها ولا لأ
هو: فيه مرحلة الحنين للماضى اللى بتخلينا نحلم ببكره احلى

وفجاه قالت لى اشوفك بخير و التفتت ومشيت وقفت مستنى يمكن حتى تبص وراها
لم يحدث احسست بدموعى محبوسه لكن افتكرت زمان لما قالتلى
انا بشوفك و انا مغمضه وبشوفك وانت مش معايا واقنعت نفسى انها علشان كده
ما التفتتش حسيت بفرحه ومشيت بس فى الاتجاه الاخر

ستاره